Kale ekintzak: Urtarrileko larunbatak mozorroak prestatzeko!

(Irudia www.kataxulo.com web gunetik hartua)

Urtarrilak 12, 19 eta 26an Gurutze auzoko Bizardia elkartean izango dira kale ekintzak ihoteetako mozorroak prestatzeko!

Tailerrak: ihoteetako zakuak, txapelak, intxixu eta sorgin buruak,…

Materiala: norberak bere materiala eraman behar du. (Oinarrizkoa: guraize, kola, zelo, artilea, margoa, pintzelak, akuarelak, grapagailuak,… bertan egongo dira)

Zer behar duzu gauza bakoitzerako:

Intxixu burua egiteko:

– Kartoizko kaja ertaina

– Egunkari zaharrak

– Adarrak egiteko (oihala beteta, bikingoen mozorrotakoa,…)

Sorgin txapela egiteko:

– Oihal txuria (maindireak izan daitezke, kontua izan 2 metro behar direla)

– Jostorratza eta haria

– Txapela barrutik betetzeko (plastikozko poltsak, goatina, egunkariak,… pisua ez duen zerbait)

Sorgin maskara:

– Maskara: (txinoen dendetan erosi daiteke eta moztu)

Zakuzko arropa:

– Zakua (mertzerietan eros daiteke)

– Oihal zatiak

– Pastorratza eta artilea

Txapela egiteko:

– Lastozko txapela

– Oihal puskak

– Pastorratza eta artilea edo grapagailua

Haurrak guraso edo heldu batekin joatea eskatzen da mozorroak egiten laguntzeko.